La cùra chi ringiuvanìsci

Come tentare di gabbare ed essere gabbati!

- Stù ciùcciu s’è ffàttu vìecchju ... camìna raghénnu li pédi e cu la chéapu pinnulijènnu ... ghè ffàttu lu piddizzùni ... nun si ra fìdadi cchjù ... – dìci Vicìenzu ànna mugliéri.
- Vinnìru ànni zìngari! ... – ri rispònni Minicùccia.
         A Ppàsca arrìvani li zìngari. Vicìenzu càccia lu ciùcciu da la stàdda ..., r’attàccad’ànna vucculédda ..., ri pàssa la strìglja e ri véad’a cchjaméa’.
Lu zìngaru guàrda lu ciùcciu da la chéapu ànna cùda ..., ri passa la méanu sùpa lu cùoddu ..., sùpa lu sc’chìnu ..., ri jétta na manéata sùpa la gròppa ..., ri guàrda sùtta li zùocculi.
- Cìngu lìra! ... – sindénzia  nnù dialéttu sùva– nunn è bbònu màngu pi lu macìellu! –
- Pi mmìnu di vìndi lìri nnù ru vénnu! –
Lu zìngaru sìnni véa’.
Dòppu n’ùra Vicìenzu tòrna addùvi li zìngari.
- Pi quìnnici lìri lu ciùcciu ghè lu vùostu! –
Lu zìngaru annàca la chéapu.
         Dòppu nu jì e bbinì mò di gùnu mò di n’atu, lu prézzu ògni bbòta da na pàrti scìnni e da n’àta acchiàna di na lìra. Alla fìna s’accòrdani pi déci e si strìngini la méanu.
         Lu zìngaru tràtta lu ciùcciu cùmi ghìddu sàpi ... e ru vénni a nu ciucciòaru pi trénda lìri.
Dùji mìsi dòppu ..., ànna féra di Sand’Andòniju c’è cchjìnu d’animéali: créapi, pìecuri, pùorci, vàcchi e ciùcci ... .
         Vicìenzu s’èdda accattéa’ lu ciùcciu. Da la matìna ... e pi ttùtta la jùrnòata ggìra jìnda la féra ... . Li ciùcci ggiùvini sù ttròppu còari ... ni cércani da li sissànda ànni sittànda lìri ..., ghìddu nun ni pò spénni tàndi! ... Téni ssùlu quarànda liri! Gìra ..., guàrda ..., tòcca ... .
         Quànnu la féra stèa’ pi sc’cùmbi nun tèni cchjù cchi sscégli ..., ci sù rumòasi pòchi ciùcci ..., ci nn’è gùnu nun pròpiu ggiùvinu ma pàrid’angòra ‘m bòrzi ..., cu lu pìlu raséatu ..., cu la chéapu tìsa ... chi zumbitìja ... ma Vicìenzu nun s’addòna ca r’èni mìsu na zìcca sùtta la cùda ... .
         Lu ciucciòaru ni vò cinguànda lìri! ... Ma ggìra e bbòta ..., tra jastìmi e findìvi, ànna fìna s’accòrdani pi quarànda liri. Pìglja lu ciùcciu pi lu capìstu e si ru pòrtad’ànna chéasa ... .
         Arrivéatu nnàndi la pòrta, làssa lu capìstu ... e lu ciùcciu, cùotu cùotu, pìglja la via di la stàdda ..., tràsi e s’accùnzadi ànna mangiatùra! Vicìenzu rumànidi ..., véad’a guardéa’ méglju lu ciùcciu ..., ghèra lu stéssu ciùcciu c’avè bbinnùtu dùji mis’arrétu! ...
 

Go to top